लकडाउनमा रगत व्यवस्थापन सहज गर्दै दारी ग्याङ धनगढी

चैत्र २०७६ , धनगढी

सामाजिक क्षेत्रमा काम गर्दै आईरहेको दारी ग्याङ धनगढी यतिबेला रगत व्यबस्थापनमा सहजता प्रदान गरिरहेको छ। विश्वभर महामारिका रूपमा फैलिरहेको कोरोना भाईरस (कोभिड १९) नियन्त्रण गर्न नेपाल सरकारले लकडाउन गरिरहेको बेला धनगढीमा रगतको अभाव देखिन थालेपछि दारी ग्याङ धनगढीले आकस्मिक रक्तदाताको व्यवस्थापन गरिरहेको हो । लकडाउनका क्रममा सामाजिक दुरी कायम राख्ने र अत्ती आवश्यक काम बाहेक घर बाहिर निस्कन नमिल्ने हुनाले नियमित रुपमा धनगढी वरपर रक्तदान कार्यक्रम हुनसकेका छैनन । यसकारण आकस्मिक रक्तदाता मार्फत रगत व्यवस्थापन गरिएको दारी ग्याङ धनगढीका संयोजक दिनेश बोहराले बताए । साथै, उनले रक्तदातालाई घरबाट रक्तसन्चार केन्द्र सम्म आउन जानको लागी सवारीसाधनको व्यवस्था पनि गरिएको जानकारी दिए ।

रक्तसञ्चार केन्द्र धनगढीका प्रमुख धारणी पन्तका अनुसार यतिबेला धनगढीमा अभाब रहेको छ ।उनले अरुबेला भन्दा लकडाउनको समयमा कम बिरामी अस्पतालमा उपचारका लागी आएपनि आकस्मिक रुपमा आउने बिरामीहरुको लागि रगत आवश्यक हुने गरेको र यसमा दारी ग्याङ धनगढीले रक्तदाता व्यवस्थापनमा सहयोग गर्दै आएको बताउँदै दारी ग्याङ धनगढी प्रती आभार व्यक्त पनि गरे । उनले रगत दिन चाहानेहरुले ९८४८४२००६४ मा फोन गर्न अथवा सिधै रक्तसन्चार केन्द्रमा सम्पर्क गर्न अनुरोध गरेका छन् । आकस्मिक रक्तदानको सहज व्यवस्थापनको लागी दारी ग्याङ धनगढीले रक्तदाताहरुको तथ्याङ्क संकलन गर्ने, रक्तदाताहरुलाई उत्प्रेरणामूलक तालिम दिने, रक्त समुह वर्गिकरण गर्ने लगायतका कामहरु गर्दै आइरहेको छ ।